«Габдулла Тукайның әкиятләр дөньясы»: шигъри нон-стоп (6+)
22
Апрель 2021
Пәнҗешәмбе
22 апрельдә шәһәр үзәк китапханәсенең балалар һәм яшүсмерләр бүлеге Габдулла Тукайның тормыш юлы һәм иҗаты турында шигъри нон-стоп уздырды. Чара татар шагыйренең 135 еллыгы уңаеннан үткәрелде. Instagram платформасында туры эфирда Тукайның тормыш юлыннан кызыклы фактлар, шулай ук Чаллы шәһәре мәктәпләре укучылары башкаруында шигырьләр, әкият һәм поэмалардан өзекләр яңгырады. 1 нче, 10 нчы мәктәпләр, 64 нче прогимназия балалары сәнгатьле итеп шигырьләр укып кына калмады, ә костюмнар әзерләп, әсәрләрне сәхнәләштереп тә күрсәтте. Нон-стопта барлык тамашачылар катнаша алды, мәсәлән, эфирда кунак буларак Лениногорск туган якны өйрәнү музее хезмәткәре чыгыш ясады.
|